Ang Staff o limguhit sa tagalog ay pundasyon ng music kung saan doon nakasulat ang mga nota at iba pang mga simbulo ng musika.
Ang Staff ay binubuo ng limang guhit at apat na espasyo (space).
Ang bawat linya at espasyo ng Staff ay katumbas sya ng mga puting tiklada (keys) sa keyboard o piano.
Ang mga Clefs naman ang siyang magbibigay ng pangalan sa mga nota sa staff.
Ang dalawang Clefs na madalas ginagamit ngayon ay ang Treble at Bass Clefs.
Unahin nating talakayin ang Treble Clef o tinatawag na G Clef.
Ang ikalawang guhit sa Staff na nakapalibot sa Clef ay tinatawag na notang G. Ibig sabihin, lahat ng notang nakalapat sa ikalawang guhit ng staff ay notang G.
Ang nota naman na sumunod sa G sa ikalawang espasyo ng Staff ay tinatawag na A. Tandaan, walang notang “H” sa music.
Pagkatapos ng notang A ay notang B na nasa ikatlong linya ng staff.
At tuloy-tuloy na sya hanggang matapos.
Kapag lumagpas na ang mga nota sa staff, nagkakaroon tayo ng “extension.” Gagamit tayo ng ledger line. Ang Ledger Lines ay ang mga maliliit na mga linya na sinusulat sa labas ng Staff.
Ngayon, maaari na natin siyang tawaging A.
Susunod, atin namang talakayin ang Bass Clef o tinatawag na F Clef.
Ang nota ng F ay nakalagay sa ikaapat na linya ng staff.
Ngayon, pwede na nating kumpletuhin ang mga nota sa Staff.
Huli, ating talakayin ang Grand Staff, na kung saan mayroong labing-isang linya.
Kapag aalisin natin ang gitnang guhit, magkakaroon tayo ng dalawang hiwalay na staff.
Kapag dinagdag pa natin ang mga clefs, G clef sa itaas na staff at F clef naman sa ibaba, makikita na natin ang relasyon ng dalawang staffs na ito.
Pansining maiigi kung paano pinag-isa ang dalawang clefs na ito sa pamamagitan ng notang C. Ang notang C na nasa gitna ay tinatawag na “middle C” dahil siya ang tulay at gitna ng dalawang staffs.
Paturo sa Music 